بھارتی اداکارہ کی گھر میں پھندا لگی لاش برآمد

میں خودکشی کررہی ہوں، میری موت کا ذمہ دار کوئی بھی نہیں ہے، اداکارہ کا خط

---

بھارتی فلموں اور ڈراموں میں کام کرنے والی معروف اداکارہ نے خودکشی کرلی ہے۔

بھارتی میڈیا کے مطابق اداکارہ سوجانیا نے خودکشی کرلی ہے اور ان کی لاش گھر میں پھندا لگی ہوئی برآمد ہوئی ہے، پولیس کے مطابق اداکارہ کے بنگلور میں واقع گھر کا دروازہ توڑ کر ان کے کمرے سے لٹکی ہوئی لاش نکالی جب کہ کمرے کا دروازہ اندر سے بند تھا۔

ابتدائی تفتیش کے مطابق اداکارہ نے خودکشی کی، پولیس کو ان کے کمرے سے ایک خط بھی ملا جس میں سوجنیا نے لکھا تھا کہ 'میں خودکشی کررہی ہوں، میری موت کا ذمہ دار کوئی بھی نہیں ہے تاہم اپنے اس عمل پر اہل خانہ سے معافی مانگتی ہوں، میں اندر سے مرچکی ہوں اور ایسا پہلے کبھی نہیں ہوا'۔

بھارتی پولیس کا کہنا ہے کہ اداکارہ کی خودکشی سے متعلق تحقیقات جاری ہیں جب کہ ان کے پاس سے ملنے والے خط سے متعلق بھی تفتیش جاری ہے۔