سندھ میں سی این جی کی قیمت میں 15 روپے فی کلو اضافہ

سی این جی کی قیمت میں سیلز ٹیکس بڑھنے اور مہنگی آر ایل این جی کی وجہ سے اضافہ ہوا، غیاث پراچہ۔ فوٹو: فائل

---

HYDERABAD: سندھ میں سی این جی کی قیمت میں 15 روپے فی کلو اضافہ ہوگیا۔

صدر آل پاکستان سی این جی ایسوسی ایشن غیاث پراچہ کے مطابق سندھ میں فی کلو سی این جی کی قیمت میں 15روپے کا اضافہ ہوگیا ہے، جب کہ پنجاب میں سی این جی کی قیمت میں 8 روپے فی کلو اضافہ ہوگیا ہے۔

صدر آل پاکستان سی این جی ایسوسی ایشن کا کہنا تھا کہ سی این جی کی قیمت میں اضافہ سیلز ٹیکس بڑھنے اور مہنگی آر ایل این جی کی وجہ سے ہوا ہے، حکومت سی این جی کی امپورٹ پر سیلز ٹیکس کی چھوٹ کا اعلان کرے، درآمدی سطح پر سیلز ٹیکس رعایت سے سی این جی کی قیمت گھٹ جائے گی۔