بش کو قتل کی دھمکی دینے والا گرفتار بیٹی کا عاشق نکلا

طلاق یافتہ بنجمن اسمتھ سابق صدر کو راستے سے ہٹا کران کی سب سے بڑی بیٹی باربرابش سے تعلقات استوار کرنا چاہتا تھا۔ فوٹو: فائل

---

سابق امریکی صدر جارج بش کودھمکی دینے والا ان کی بیٹی کا عاشق نکلا جسے پولیس نے گرفتارکرلیا۔

غیرملکی میڈیا رپورٹس کے مطابق 44 سالہ بنجمین اسمتھ کو نیویارک کے علاقے مین ہیٹن سے گرفتارکیا گیا۔ رائفل، چھری اور پٹرول سے لیس طلاق یافتہ بنجمن اسمتھ سابق صدر کو راستے سے ہٹا کران کی سب سے بڑی بیٹی باربرابش سے تعلقات استوار کرنا چاہتا تھا۔ امریکی قانون کے مطابق سابق یا موجودہ صدر کو دھمکی دینا جرم ہے۔ گھرسے ملنے والے ایک تحریری پیغام پرملزم کی ماں نے پولیس کواطلاع دی جس پرموبائل فون ٹریکنگ کے ذریعے اسمتھ کا پتا چلایا گیا اوراسے گرفتارکرلیا گیا۔