وصیت کے مطابق امریکی شہری کی میت کو موٹرسائیکل پر بٹھاکر دفنایا گیا

اسٹینڈلے کی آخری خواہش پوری کرنے کیلیے قبربھی معمول سے بڑی بنائی گئی

Express Desk February 02, 2014

اسٹینڈلے کی آخری خواہش پوری کرنے کیلیے قبربھی معمول سے بڑی بنائی گئی۔ فوٹو: فائل

امریکی ریاست اوہایو میں ایک شخص کواس کی خواہش کے مطابق پسندیدہ موٹر سائیکل سمیت دفنادیاگیا۔

امریکی ریاست اوہایو میں بلی اسٹینڈلی نامی شخص نے آخری خواہش ظاہرکی تھی کہ جب وہ مرجائے تو اسے اس حالت میں دفنایاجائے کہ جیسے وہ اپنی موٹرسائیکل پرسوارہو۔بلی اسٹیڈلی کودفنانے کیلیے شیشے کا خصوصی تابوت تیارکیاگیاجس میں اس کی1977ماڈل کی ہارلے ڈیوڈسن موٹرسائیکل نصب کی گئی اوراس پربلی اسٹینڈلی کی میت کواس طرح بٹھایاگیاکہ گویا جیسے وہ اپنی موٹرسائیکل چلا رہاہو، اسٹینڈلے کی آخری خواہش پوری کرنے کیلیے قبربھی معمول سے بڑی بنائی گئی۔4بچوں کے والداسٹینڈلی کی موت پھیپھڑوں کے کینسرسے ہوئی،ان کی آخری خواہش پوری کرنے کیلیے لاش پرکیمیکل لگانے کے بعدانھیں سیاہ چمڑے سے تیارکپڑے اورہیلمٹ پہنایا گیااورپھرلاش کوموٹر سائیکل پردھاتی پٹی کے سہارے بٹھایاگیا۔ اسٹینڈلی کے ورثاکاکہناہے کہ82سالہ بلی اسٹینڈلی تھوڑے عجیب وغریب مزاج کے مالک تھے اورکئی برسوں سے اپنے آخری سفرکوغیرمعمولی طریقے سے منعقد کروانے کی منصوبہ بندی کررہے تھے،ان کے2بیٹوں نے ان کی موت سے پہلے ہی تابوت تیارکرالیا تھا۔