عمر شریف کی نماز جنازہ بدھ کی دوپہر 3 بجے ادا کی جائے گی جواد عمر

آج جرمنی میں عمر شریف کی جنازہ نماز ادا کی گئی، جس میں پاکستانی سفارت خانہ کا عملہ اور شہریوں کی بڑی تعداد شریک ہوئی۔(فوٹو: فائل)

---

لیجنڈ اداکار عمر شریف کے بیٹے جواد عمر نے کہا ہے کہ ان کی والد کی نماز جنازہ بدھ کے دن دوپہر 3 بجے ادا کی جائے گی۔

ایکسپریس نیوز کے مطابق مرحوم لیجنڈ اداکار عمر شریف کے بیٹے جواد عمر نے کہا ہے کہ ان کی والد کی نماز جنازہ بدھ کے دن دوپہر 3 بجےعمر شریف پارک کلفٹن میں ادا کی جائے گی۔ جب کہ نمازہ جنازہ مولانا بشیر فاروقی پڑھائیں گے۔ جس کے بعد ان کی تدفین عبداللہ شاہ غازی مزار کے احاطے میں کی جائے گی۔

یہ بھی پڑھیے: جرمنی میں عمرشریف کی نماز جنازہ ادا، میت لواحقین کے حوالے

واضح رہے کہ آج جرمنی کے شہر نیورمبرگ میں عمر شریف کی جنازہ نماز ادا کردی گئی تھی، جس میں پاکستانی سفارتی عملے کے علاوہ جرمنی کے دیگر مقامات سے آنے والے پاکستانیوں کی بڑی تعداد نے بھی شرکت کی تھی ۔