کچلاک بس اسٹاپ کے قریب 2 گاڑیوں کے درمیان تصادم کے نتیجے میں خاتون سمیت 4 افراد جاں بحق جبکہ 3 زخمی ہوگئے۔

ایکسپریس نیوز کے مطابق کوئٹہ کے قریب کچلاک کے علاقے میں مخالف سمت سے آنے والی دو گاڑیاں آپس میں ٹکرا گئیں جس کے نتیجے میں گاڑیوں میں سوار 7 افراد زخمی ہوگئے، جنہیں فوری طور پر قریبی اسپتال منتقل کیا گیا جہاں خاتون سمیت 4 افراد زخمی دم توڑ گئے۔

اسپتال انتظامیہ کا کہنا ہے کہ 3 زخمیوں کو طبی امداد دی جارہی ہے جن میں سے 2 کی حالت انتہائی تشویشناک ہے۔