تحریک انصاف کے مرکزی دفتر سے درجنوں ملازمین فارغ

تحریک انصاف نے مرکزی دفتر میں کام کرنے والے درجنوں ملازمین کو نوکریوں سے فارغ کردیا۔


کئی برسوں سے کام کرنے والے ملازمین کو نوکریوں سے فارغ کرنے کے مراسلے تھما دیے گئے۔ نوکریوں سے برخاست کیے گئے ملازمین نے تحریک انصاف کی قیادت کے خلاف احتجاج کا اعلان کردیا۔

مراسلے میں ایڈمنسٹریٹر زاہد کاظمی نے کہا کہ پارٹی قیادت نے مرکزی دفتر کے خرچے کم کرنے کی ہدایت کی ہے، یکم اکتوبر سے پارٹی کے مرکزی دفتر کو آپکی خدمات درکار نہیں۔