چنیوٹ میں درندگی کی انتہا ایک شخص کی آنکھیں نکال کر کیلیں ٹھوکنے والے ملزمان گرفتار

ایسے واقعات ناقابل برداشت ہیں،قانون کی بالادستی قائم رکھتے ہوئے انصاف کی فراہمی کو یقینی بنایا جائے گا، ڈی پی او چنیوٹ

ویب ڈیسک October 05, 2021

ایسے واقعات ناقابل برداشت ہیں،قانون کی بالادستی قائم رکھتے ہوئے انصاف کی فراہمی کو یقینی بنایا جائے گا، ڈی پی او چنیوٹ۔(فوٹو: فائل)

لاہور: چنیوٹ کے علاقے لالیاں میں درندگی کی انتہا ہو گئی ملزمان نے ایک شخص کی آنکھیں نکال کر کیلیں ٹھونک دیں۔

ایکسپریس نیوز کے مطابق تھانہ محمد والا کی حدود میں دو ملزمان نے ناصر نامی شخص کو بہیمانہ تشدد کا نشانہ بناتے ہوئے اس کی آنکھیں نکال دی اور مبینہ طور پر آنکھوں میں کیلیں بھی ٹھونکی گئیں۔ زخمی کو ٹی ایچ کیو اسپتال سے فیصل آباد ریفر کردیا گیا۔

ڈی پی او چنیوٹ بلال ظفر نے اس واقعے کا فوری نوٹس لے لیتے ہوئے ملزمان کی گرفتاری کے احکامات جاری کردیے، جس پو پولیس نے واقعے میں ملوث دو ملزمان کو گرفتار کرلیا ہے۔

ڈی پی او چنیوٹ بلال ظفر کا کہنا ہے کہ ایسے واقعات ناقابل برداشت ہیں، قانون کی بالادستی قائم رکھتے ہوئے انصاف کی فراہمی کو یقینی بنایا جائے گا