صدر مملکت کی منظوری ڈی جی نیب ظاہر شاہ ڈپٹی چئیرمین نیب تعینات

ڈپٹی چئیرمین کا عہدہ حسین اصغر کے استعفی کے باعث خالی ہوا، ظاہر شاہ بطور ڈی جی آپریشن نیب ہیڈ کوارٹر میں تعینات تھے (فوٹو : فائل)

---

صدر مملکت نے ڈائریکٹر جنرل نیب ظاہر شاہ کو ڈپٹی چئیرمین نیب تعینات کرنے کی منظوری دے دی۔

ایکسپریس نیوز کے مطابق قومی احتساب بیورو(نیب) نے ڈی جی نیب ظاہر شاہ کی بطور ڈپٹی چئیرمین تعیناتی کے لیے سمری وزرات قانون کو ارسال کی تھی صدر مملکت عارف علوی نے اس تعیناتی کی منظوری دے دی جس کے بعد اب ظاہر شاہ کو ڈپٹی چیئرمین نیب تعینات کردیا گیا۔

ذرائع کے مطابق وزارت قانون و انصاف کل ظاہر شاہ کی بطور ڈپٹی چئیرمین نیب تعیناتی کا نوٹی فکیشن جاری کرے گی۔

واضح رہے کہ ظاہر شاہ بطور ڈی جی آپریشن نیب ہیڈ کوارٹر میں تعینات تھے۔ ڈپٹی چئیرمین کا عہدہ 4 اکتوبر کو حسین اصغر کے استعفی کے باعث خالی ہوا تھا۔