فلک شبیر کی اپنی بیٹی کے کان میں اذان دینے کی ویڈیو وائرل

ویڈیو کو اب تک 17 لاکھ سے زائد بار دیکھا جاچکا ہے جب کہ ہزاروں لوگوں نے اس ویڈیو کو پسند کیا ہے

ویب ڈیسک October 09, 2021

اداکارہ سارہ خان اور فلک شبیر کے گھر گزشتہ روز بیٹی کی پیدائش ہوئی تھی فوٹوفائل

گلوکار فلک شبیر کی اپنی نومولود بیٹی کے کان میں اذان دینے ویڈیو کو سوشل میڈیا پر بہت زیادہ پسند کیا جارہا ہے۔

اداکارہ سارہ خان اور فلک شبیر کے گھر گزشتہ روز بیٹی کی پیدائش ہوئی تھی۔ فلک شبیر نے یہ خوشخبری انسٹاگرام اکاؤنٹ پر شیئر کرتے ہوئے تمام لوگوں کو ربیع الاول اور جمعہ کی مبارکباد دی تھی۔

فلک شبیر نے لکھا تھا اللہ پاک نے اس بابرکت مہینے کے بابرکت دن اپنی رحمت سے نوازا ہے شکر الحمداللہ۔ فلک شبیر اور سارہ خان نے اپنی ننھی پری کا نام عالیانہ فلک رکھا ہے۔

یہ بھی پڑھیں: سارہ خان اور فلک شبیر کے گھر بیٹی کی پیدائش

سارہ خان نے بھی گزشتہ روز ایک ویڈیو شیئر کی تھی جس میں فلک اپنی نومولود بیٹی کے کان میں اذان دیتے ہوئے نظر آرہے ہیں۔ سارہ خان نے یہ ویڈیو شیئر کرتے ہوئے قرآن شریف کی آیت بھی شیئر کی جس کا ترجمہ یہ ہے۔''اور تم اپنے رب کی کون کون سی نعمتوں کو جھٹلاؤ گے''۔

View this post on Instagram

A post shared by Mrs.Falak (@sarahkhanofficial)

سارہ خان کی جانب سے شیئر کی جانے والی ویڈیو سوشل میڈیا پر وائرل ہوگئی اور اسے اب تک 17 لاکھ سے زائد بار دیکھا جاچکا ہے جب کہ ہزاروں لوگوں نے اس ویڈیو کو پسند کیا ہے۔

واضح رہے کہ سارہ خان اور فلک شبیر گزشتہ برس شادی کے بندھن میں بندھے تھے۔ ان کا شمار پاکستان شوبز انڈسٹری کی خوبصورت جوڑیوں میں ہوتا ہے۔