ملک بھر میں کورونا کیسز میں مسلسل کمی کا رجحان

گزشتہ 24 گھنٹوں میں کورونا سے مزید 28 اموات رپورٹ، این سی او سی

ویب ڈیسک October 11, 2021

گزشتہ 24 گھنٹوں میں کورونا سے مزید 28 اموات رپورٹ، این سی او سی۔ فوٹو:فائل

ملک بھر میں کورونا وائرس کیسز میں مسلسل کمی کا رجحان جاری ہے۔

نیشنل کمانڈ اینڈ آپریشن سینٹر کی جانب سے جاری کردہ اعدادو شمار کے مطابق گزشتہ 24 گھنٹوں کے دوران کورونا کے 43 ہزار389 ٹیسٹ کیے گئے جس میں سے ایک ہزار 4 افراد میں کورونا وائرس کی تشخیص ہوئی جس کے ساتھ ہی ملک میں کورونا کیسز کی تعداد 12 لاکھ 58 ہزار959 تک پہنچ گئی۔

Statistics 11 Oct 21:
Total Tests in Last 24 Hours: 43,389
Positive Cases: 1004
Positivity %: 2.31%
Deaths : 28
Patients on Critical Care: 2473
— NFRCC (@NFRCCofficial) October 11, 2021

این سی او سی کے مطابق گزشتہ 24 گھنٹوں میں کورونا سے مزید 28 اموات رپورٹ ہوئیں جس کے ساتھ ہی ملک میں کورونا سے اموات کی تعداد 28 ہزار 134 ہوگئی جب کہ کورونا مثبت کیسز کی شرح 2.31 فیصد رہی۔

کورونا وائرس اوراحتیاطی تدابیر:

کورونا وائرس کے خلاف یہ احتیاطی تدابیراختیارکرنے سے اس وبا کے خلاف جنگ جیتنا آسان ہوسکتا ہے۔ صبح کا کچھ وقت دھوپ میں گزارنا چاہیے، کمروں کو بند کرکے نہ بیٹھیں بلکہ دروازے کھڑکیاں کھول دیں اور ہلکی دھوپ کو کمروں میں آنے دیں۔ بند کمروں میں اے سی چلا کربیٹھنے کے بجائے پنکھے کی ہوا میں بیٹھیں۔

سورج کی شعاعوں میں موجود یو وی شعاعیں وائرس کی بیرونی ساخت پر ابھرے ہوئے ہوئے پروٹین کو متاثر کرتی ہیں اور وائرس کو کمزور کردیتی ہیں۔ درجہ حرارت یا گرمی کے زیادہ ہونے سے وائرس پرکوئی اثرنہیں ہوتا لیکن یو وی شعاعوں کے زیادہ پڑنے سے وائرس کمزور ہوجاتا ہے۔

پانی گرم کرکے تھرماس میں رکھ لیں اورہرایک گھنٹے بعد آدھا کپ نیم گرم پانی نوش کریں۔ وائرس سب سے پہلے گلے میں انفیکشن کرتا ہے اوروہاں سے پھیپھڑوں تک پہنچ جاتا ہے، گرم پانی کے استعمال سے وائرس گلے سے معدے میں چلا جاتا ہے، جہاں وائرس ناکارہ ہوجاتا ہے۔