اسلام آباد میں ساس بہو کے جھگڑے کے دوران فائرنگ سے ایک شخص جاں بحق

پولیس نے ایک ملزم کو گرفتار کرلیا فوٹو: فائل

---

سید پور میں ساس بہو کے جھگڑے کے دوران فریقین کے درمیان فائرنگ سے ایک شخص جاں بحق ہوگیا۔

ایکسپریس نیوز کے مطابق اسلام آباد کے تھانہ کوہسار کے علاقے سید پور ماڈل ولیج میں فائرنگ سے ایک شخص جاں بحق ہوگیا، پولیس نے فوری کارروائی کرتے ہوئے فائرنگ میں ملوث اسد نامی ایک ملزم کو گرفتار کرلیا ہے جب کہ دیگر کی گرفتاری کے لئے کارروائی کی جارہی ہے۔

پولیس کا کہنا ہے کہ ساس اور بہو کے درمیان کسی بات پر جھگڑا ہوا تھا بعدازاں بہو نے اپنے بھائیوں کو فون کر کے بلالیا، بھائیوں کے آنے کے بعد جھگڑا طول پکڑ گیا، تلخ کلامی کے بعد فریقین میں فائرنگ کا تبادلہ ہوا، جس سے شہباز نامی شخص موقع پر ہلاک جب کہ شیراز نامی شخص زخمی ہوگیا، جس کا مقامی اسپتال میں علاج کیا جارہا ہے۔