آریان کی گرفتاری نے شاہ رخ خان کی نیندیں اڑادیں

آریان کی گرفتاری کے بعد شاہ رخ نے کھانا، پینا چھوڑ دیا ہے اور وہ اندر سے ٹوٹ چکے ہیں، قریبی دوست

---

منشیات کیس میں آریان خان کی گرفتاری نے شاہ رخ خان کی راتوں کو نیندیں اڑادی ہیں۔

ویسے تو دنیا بالی ووڈ اداکار شاہ رخ خان کو کنگ خان کے نام سے جانتی ہے، اداکار کا شمار دنیا کے امیر ترین افراد میں ہوتا ہے، صرف بالی ووڈ ہی نہیں بلکہ دنیا بھر میں شاہ رخ خان کے کروڑوں مداح اور دوست ہیں تاہم اس کے باوجود بیٹے آریان خان کی گرفتاری نے انہیں مشکلات سے دوچار کردیا ہے۔

اس خبر کو بھی پڑھیں : منشیات کیس میں شاہ رخ خان کے بیٹے آریان کی ضمانت مسترد

بالی ووڈ رپورٹس کے مطابق آریان خان کی گرفتاری کے بعد شاہ رخ خان نے کھانا، پینا چھوڑ دیا ہے اور ان کی نیندیں اڑ گئی ہیں، شاہ رخ خان کے ایک قریبی دوست جو پروڈیوسر ہیں نے انکشاف کیا کہ بیٹے کی گرفتاری کے بعد شاہ رخ خان بمشکل چند گھنٹے ہی سوپاتے ہیں، وہ چاہے جتنے ہی بڑے اسٹار ہوں لیکن آریان خان کی گرفتاری کے بعد وہ انتہائی بے یارو مددگار ہیں اور اندر سے ٹوٹ چکے ہیں۔

اس خبر کو بھی پڑھیں: شاہ رخ خان کے کیریئر پر برے سائے منڈلانے لگے

واضح رہے کہ انسداد منشیات کے ادارے نے شاہ رخ خان کے بیٹے آریان خان کو کروز شپ سے حراست میں لیا تھا، منشیات کیس میں گرفتار آریان اس وقت نارکوٹکس کنٹرول بیورو کی تحویل میں ہیں جب کہ عدالت ان کی ضمانت بھی مسترد کرچکی ہے۔