شاہ رخ کے بیٹے کو مسلمان ہونے پر نشانہ بنایا جارہا ہے محبوبہ مفتی

بھارت میں ’شاہ رخ غدار‘ کا ہیش ٹیگ بھی ٹرینڈ کررہا تھا

---

سابق وزیراعلیٰ مقبوضہ کشمیر محبوبہ مفتی کا کہنا ہے کہ شاہ رخ خان کے بیٹے کو مسلمان ہونے پر نشانہ بنایا جارہا ہے۔

منشیات کیس میں گرفتار شاہ رخ خان کے بیٹے آریان خان کی ممبئی ہائی کورٹ نے درخواست ضمانت مسترد کردی تاہم اب کیس کی سماعت بدھ کو ہوگی۔ بیٹے کی گرفتاری نے جہاں شاہ رخ خان کو پریشان کردیا ہے وہیں بی جے پی کی جانب سے مسلمان ہونے پر مسلسل شاہ رخ خان کو نشانہ بنایا جارہا ہے جب کہ بھارت میں 'شاہ رخ غدار' کا ہیش ٹیگ بھی ٹرینڈ کررہا تھا۔

چند روز قبل بھی ایک رپورٹ سامنے آئی تھی جس میں کہا گیا تھا کہ شاہ رخ خان کے بیٹے کو صرف مسلمان ہونے پر نشانہ بنایا گیا ہے تاہم اب سابق وزیراعلیٰ کشمیر محبوبہ مفتی بھی شاہ رخ خان کے حق میں بول پڑی ہیں۔

Instead of making an example out of a Union Minister’s son accused of killing four farmers, central agencies are after a 23 year old simply because his surname happens to be Khan.Travesty of justice that muslims are targeted to satiate the sadistic wishes of BJPs core vote bank.

— Mehbooba Mufti (@MehboobaMufti) October 11, 2021

سابق وزیراعلیٰ مقبوضہ کشمیر محبوبہ مفتی نے ٹوئٹر پر اپنے بیان میں کہا کہ حکومتی ایجنسیاں بی جے پی وزیر کے بیٹے کو 4 کسانوں کے قتل کے جرم کی سزا دے کر مثال بنانے کے بجائے ایک 23 سالہ لڑکے کے پیچھے پڑی ہیں کیوں کہ اس کے نام میں 'خان' آتا ہے، یہ انصاف کے ساتھ مذاق ہے کہ بی جے پی ووٹ بینک کے لیے مسلمانوں کو نشانہ بنارہی ہے۔