وینا ملک اور اسد بشیر کو تحفے میں جیپ مل گئی

واشنگٹن: وینا ملک اور اسد بشیر تحفے میں ملنے والی جیپ کے ساتھ کھڑے ہیں ۔ فوٹو : فائل

---

معروف اداکارہ وینا ملک اور اسد بشیر نے تحفے میں ملنے والی قیمتی جیپ پر امریکا کی مختلف ریاستوں کی سیر کی پلاننگ کر لی۔

اس دوران وینا ملک اور اسد بشیر جہاں امریکا کی سیرکرینگے وہیں اپنے اعزاز میں منعقد ہونے والی تقریبات میں بھی شریک ہونگے۔ تفصیلات کے مطابق اداکارہ وینا ملک کا امریکا پہنچنے پر جہاں ان کے سسرالیوں نے زبردست استقبال کیا تھا، وہیں ان کے شوہر اسد بشیر کے بھائی ارشد بشیر نے انھیں تحفے میں ایک قیمتی جیپ دی ہے، جس پر وینا اور اسد بشیر بہت خوش ہیں۔



'' ایکسپریس '' سے گفتگو کرتے ہوئے اداکارہ وینا ملک اور ان کے شوہر اسد بشیر نے کہا ہے کہ شادی کے بعد خوشگوار زندگی کا آغاز ہو چکا ہے،سسرال والوں کی چاہت اورمحبت کولفظوں میں بیان نہیں کرسکتی۔ انھوں نے کہا کہ تحفے میں ملنے والی جیپ پر ہم دونوں لانگ ڈرائیو پر جائیں گے اور اس موقع پر امریکا کی مختلف ریاستوں کی سیراس گاڑی پرہی کرینگے۔ یہ سفرہمارے لیے بہت خوشگوارہوگا اوراس کے لیے ہم نے ابھی سے تیاریاں شروع کردی ہیں۔