کوئٹہ سریاب روڈ پر دھماکے میں پولیس اہلکار شہید متعدد افراد زخمی

دھماکا پولیس ٹرک کے قریب ہوا اور متعدد افراد زخمی ہوئے ہیں، پولیس حکام . فوٹو : آن لائن

---

RAWALPINDI: سریاب روڈ پر دھماکے میں پولیس اہلکار شہید اور متعدد افراد زخمی ہوگئے۔

ایکسپریس نیوز کے مطابق کوئٹہ کے علاقے سریاب روڈ پر دھماکا ہوا، جس میں متعدد افراد زخمی ہوگئے۔ پولیس کے مطابق دھماکا پولیس ٹرک کے قریب ہوا ہے۔

کوئٹہ: بلوچستان یونیورسٹی کے مرکزی گیٹ کے سامنے دھماکا متعدد افراد زخمی#balochistanuniversity #Quetta pic.twitter.com/2QTXycxmDd

— Tabeen (@Tabeen6) October 18, 2021

دھماکے اطلاع ملتے ہی پولیس اور فورسز کی بھاری نفری جائے وقوعہ پر پہنچ گئی اور علاقے کو گھیرے میں لے زخمیوں کو سول اسپتال منتقل کردیا گیا، جہاں ایک پولیس اہلکار کے شہید ہونے کی تصدیق ہوگئی ہے، زخمیوں میں 5 مزید پولیس اہلکار بھی شامل ہیں۔

مقامی ذرائع کا کہنا ہے کہ دھماکا بلوچستان یونیورسٹی کے مرکزی دروازے کے قریب کھڑے پولیس کے ٹرک کے قریب ہوا، اور ہر طرف اندھیرا چھا گیا، جب کہ دھماکے اس قدر شدید تھا کہ اس کی آواز میلوں دور تک سنائی دی گئی۔

وفاقی وزیرداخلہ شیخ رشید احمد نے دھماکے کی مذمت کرتے ہوئے آئی جی پولیس بلوچستان سے رپورٹ طلب کرلی۔ انہوں نے دھماکے میں شہید پولیس اہلکار کے لواحقین سے اظہار ہمدردی کرتے ہوئے زخمیوں کی جلد صحتیابی کے لئے دعا کی۔ وزیر داخلہ شیخ رشید نے کہا کہ دہشت گردوں کو بلوچستان کا امن تباہ نہیں کر دینگے، وفاقی حکومت صوبائی حکومت کو تمام وسائل اور معاونت فراہم کرے گی۔