پاک بھارت میچ دیکھنے کے لیے شیخ رشید نے بھی چھٹی لے لی

پاک بھارت میچ دیکھنے کے لیے شیخ رشید نے بھی 2 دن کی چھٹی لے لی۔

راولپنڈی میں ایکسپریس نیوز سے بات کرتے ہوئے شیخ رشید نے کہا کہ وزیراعظم نے انہیں ہفتے اور اتوار کی چھٹی دے دی ہے اور وہ پاکستان اور بھارت کے درمیان ٹی 20 میچ دیکھنے دبئی جارہے ہیں۔


شیخ رشید نے کہا کہ اللہ سے دعا ہے کہ پاکستان کو کامیابی سے ہمکنار کرے، یہ کھیل ہے، ہمیں اسے کھیل ہی کی طرح لینا ہے، جو بھی فیصلہ ہو اسے ہمیں قبول کرنا ہے۔

واضح رہے کہ ٹی 20 ورلڈ کپ میں پاکستان اور بھارت 24 اکتوبر کو مد مقابل ہوں گے۔