این سی بی کا شاہ رخ خان کے گھر ’منت‘ پر چھاپہ

این سی بی اہلکاروں کی شاہ رخ خان کے گھر پہنچنے کی تصاویر اور ویڈیو سوشل میڈیا پر وائرل ہورہی ہیں فوٹوفائل

---

نارکوٹکس کنٹرول بیورو نے بالی ووڈ کے بادشاہ شاہ رخ خان کے گھر ''منت'' پر چھاپہ مارا ہے۔

بھارتی میڈیا کے مطابق کنگ خان کے بیٹے آریان خان کی منشیات کیس میں گرفتاری کے 18 روز بعد این سی بی نے شاہ رخ خان کے ممبئی میں واقع گھر''منت'' پر چھاپہ مارا ہے۔

این سی بی اہلکاروں کی شاہ رخ خان کے گھر پہنچنے کی تصاویر اور ویڈیو سوشل میڈیا پر وائرل ہورہی ہیں۔ جن میں این سی بی اہلکاروں کے ہاتھوں میں دستاویزات اور کاغذات دیکھے جاسکتے ہیں۔

NCB raid at Mannat now😳https://t.co/1JkgGqJHnJ

— Vijay Patel🇮🇳 (@vijaygajera) October 21, 2021

رپورٹس کے مطابق این سی بی اہلکار کنگ خان کے گھر مبینہ طور پر سرچ آپریشن کی غرض سے پہنچے ہیں۔ منت میں موجود ایک این سی بی آفیسر نے اپنے بیان میں کہا ہے کہ تفتیش جاری ہے۔ آفیسر نے مزید کہا جب این سی بی افسران پوچھ گچھ کے لیےکسی شخص کے پاس یا کسی مقام پر جاتے ہیں تو اس کا یہ ہر گز مطلب نہیں ہوتا کہ وہ شخص مجرم ہے یا اس سے تفتیش کی جارہی ہے۔

یہ بھی پڑھیں: شاہ رخ خان کی آریان سے ملنے کیلئے جیل پہنچنے کی ویڈیو وائرل

یہ سرچ آپریشن اس وقت سامنے آیا ہے جب بدھ کے روز سینٹرل ایجنسی نے ممبئی کی عدالت میں آریان خان اور بالی ووڈ میں جلد ہی قدم رکھنے والی ایک اداکارہ کے پیغامات جمع کرائے اور دعویٰ کیا کہ ان پیغامات میں یہ دونوں منشیات پر بحث کررہے تھے۔

Mumbai | A team of Narcotics Control Bureau arrives at actor Shah Rukh Khan's residence 'Mannat' pic.twitter.com/W3h24x8fzs

— ANI (@ANI) October 21, 2021

شاہ رخ خان کے گھر کے باہر این سی بی کی ٹیم کو اسی وقت دیکھا گیا جب ایک اور ٹیم کو اداکارہ آنانیا پانڈے کے گھر جاتے ہوئے دیکھا گیا۔ رپورٹس کے مطابق این سی بی نے اداکارہ آنانیا پانڈے کو سمن جاری کیا ہے اور انہیں 2 بجے این سی بی کے سامنے پیش ہونے کے لیے کہا ہے۔

Mumbai | A team of Narcotics Control Bureau arrives at the residence of actor Ananya Pandey. A team of NCB is also present at Shah Rukh Khan's residence

Visuals from Ananya Pandey's residence pic.twitter.com/U5ssrIxpph

— ANI (@ANI) October 21, 2021

واضح رہے کہ آریان خان کی گرفتاری کے بعد شاہ رخ خان آج پہلی بار ان سے ملنے جیل پہنچے۔ رپورٹس کے مطابق آریان والد کو دیکھ کر جذباتی ہوگئے۔

دوسری جانب گزشتہ روز ممبئی کی سیشن عدالت نے آریان خان کی درخواست ضمانت مسترد کردی تھی جس کے بعد ان کی وکیل نے بومبے ہائی کورٹ میں درخواست دائر کی جس کی سماعت 26 اکتوبر کوہوگی۔