ٹی ٹوئنٹی ورلڈکپ نمیبیا اگلے مرحلے میں پہنچ گیا آئرلینڈ باہر

نمیبیا نے گروپ 2 میں جگہ بنائی جہاں پاکستان موجود ہے - فوٹو؛ آئی سی سی

---

RAWALPINDI: نمیبیا نے آئرلینڈ کو شکست دے کر ٹی ٹوئنٹی ورلڈکپ کے سپر 12 مرحلے میں رسائی حاصل کرلی۔

ٹی ٹوئنٹی ورلڈ کپ کے پہلے مرحلے میں نمیبیا نے آئرلینڈ کو 8 وکٹوں سے شکست دے کر سپر 12 مرحلے میں رسائی حاصل کرلی۔ نمیبیا نے گروپ 2 میں جگہ بنائی جہاں پاکستان موجود ہے

آئر لینڈ نے ٹاس جیت کر بیٹنگ کا فیصلہ کیا اور مقررہ 20 اوورز میں 8 وکٹوں کے نقصان پر 125 رنز بنائے۔ پال اسڑلنگ 38 اور کیون اوبرائن 25 رنز بنا کر نمایاں بلے باز رہے۔

نمیبیا نے مطلوبہ ہدف 19ویں اوور میں 2 وکٹ کے نقصان پر پورا کرلیا۔ کپتان اراسمس نے ناقابل شکست 53 رنز کی اننگز کھیلی اور ڈیوڈ ویزے نے 28 رنز بنائے۔

گروپ 2 میں پاکستان، بھارت، اسکاٹ لینڈ، افغانستان، نیوزی لینڈ اور نمیبیا موجود ہیں جب کہ گروپ 1 میں انگلینڈ، آسٹریلیا، جنوبی افریقا، ویسٹ انڈیز، بنگلادیش اور سری لنکا شامل ہیں۔