عبرتناک شکست پر بھارتی اداکار نے پاکستان ٹیم سے معافی مانگ لی

پاکستان ٹیم زبردست کھیلتی ہے جب کہ بابراعظم ویرات کوہلی سے بھی بڑا کھلاڑی ہے، کمال راشد

---

مشہور بھارتی اداکار کمال راشد نے بھارت کی شکست پر پاکستانی ٹیم سے معافی مانگ لی۔

مشہور بھارتی اداکار کمال راشد جو آئے دن اپنے متنازع بیانات کی وجہ سے سوشل میڈیا پر چھائے رہتے ہیں، میچ سے قبل کمال راشد نے پاکستانی ٹیم کا موازنہ گلی کی ٹیم سے کیا تھا تاہم پاکستان کی شاندار فتح اور بھارت کی عبرتناک شکست کے بعد کمال راشد نے پاکستانی ٹیم سے معافی مانگ لی۔

کمال راشد نے ٹوئٹ میں کہا کہ پاکستان کرکٹ ٹیم کا موازنہ گلی کی ٹیم سے کرنے پر معافی مانگتا ہوں، میں نے 5،6 سال بعد پاکستان کا میچ دیکھا تاہم مجھے نہیں پتہ تھا کہ پاکستان ٹیم اتنا اچھا کھیلتی ہے۔

Today, I watched Pakistan team playing after 5-6 years, So I didn’t know that it’s so good. So I am really sorry for comparing it with Juhu Gali team. #IndvsPak #ICCT20WorldCup2021

— KRK (@kamaalrkhan) October 24, 2021

کمال راشد نے اکشے کمار کو بھی تنقید کا نشانہ بناتے ہوئے کہا کہ آپ میچ دیکھنے گئے ہی کیوں؟ آپ کی اور ویرات کوہلی کی منفی سوچ کے باعث پاکستان 10 وکٹوں سے جیت گیا۔

https://twitter.com/kamaalrkhan/status/1452332529638387729

کمال راشد کا کہنا تھا کہ 21 سالہ شاہین بہت خطرناک بولر ہے جب کہ بابر اعظم ویرات کوہلی سے بھی بڑا کھلاڑی ہے جو ناقابل یقین بات ہے لہذا اب کوہلی کو استعفیٰ دینا چاہیے۔

I never know that Pakistan’s captain #BabarAzam is 2nd rank ICC T20 player in the world. And 21 years only #ShaheenAfridi is so dangerous bowler. Matlab Babar Is bigger player than #viratkholi. Unbelievable!

— KRK (@kamaalrkhan) October 24, 2021