پاکستان کے ہاتھوں بھارت کی عبرتناک شکست پر بنگلادیش میں جشن ویڈیو وائرل

بنگلادیشی شائقین کی پاکستان کی فتح کا جشن منانے کی ویڈیو وائرل ہوگئی، فوٹو: فائل

---

ٹی ٹوئنٹی ورلڈ کپ میں پاکستان نے تاریخی فتح حاصل کی جس پر نہ صرف وطن پاک میں بلکہ دیگر مسلم ممالک میں بھی جشن منایا گیا۔

ٹاکرا پاکستان اور بھارت کا ہو تو لگتا ہے محاذ جنگ کا سما ہے۔ گلی گلی اسکرینیں لگ جاتی ہیں اور گھروں میں بھی میچ دیکھنے کے خصوصی انتظامات کیے جاتے ہیں۔

پاک بھارت میچ کے درجہ حرارت سے بنگلادیش بھی گرم جوش رہتا ہے اس کی ایک مثال تب دیکھنے کو ملی جب پاکستان نے بھارت کو عبرتناک شکست سے دوچار کیا۔

Thank you Bangladesh for celebrating Pakistan's victory in T-20. pic.twitter.com/EofriKo0jX

— Pakistan High Commission Bangladesh (@PakinBangladesh) October 25, 2021

بنگلادیش میں ٹی ٹوئنٹی ورلڈ کپ کے اس سب سے اہم میچ کو دیکھنے کے لیے خصوصی انتظامات کیے گئے تھے اور جب پاکستان نے میچ جیتا تو شائقین خوشی سے جھوم اُٹھے۔

اس حوالے سوشل میڈیا پر ایک ویڈیو وائرل ہورہی ہے جس میں دیکھا جا سکتا ہے کہ جیسے ہی پاکستانی بلے باز وننگ رن مکمل کرتے ہیں ناظرین خوشی سے پُرجوش نعرے لگاتے ہیں۔

یہ منظر پاکستان کا نہیں بلکہ بنگلادیش کا ہے اور بنگالی زبان میں پاکستان کے حق میں نعرے لگا کر خوشی کا اظہار کیا جا رہا ہے جس پر پاکستان ہائی کمیشن نے بھی یہ ویڈیو شیئر کی ہے۔