عراق میں داعش جنگجوؤں کا گاؤں پر حملہ 11 افراد جاں بحق
داعش کے حملے میں متعدد دیہاتی زخمی بھی ہوئے
حملے میں متعدد افراد زخمی بھی ہوئے، فوٹو: فائل
عراق ميں داعش کے مسلح جنگجوؤں نے ایک ديہات پر دھاوا بول دیا جس کے نتیجے میں 11 افراد جاں بحق ہوگئے۔
عالمی خبر رساں ادارے کے مطابق عراق میں جدید اسلحے سے لیس گاڑیوں میں سوار داعش جنگجوؤں نے بغداد کے علاقے بعقوبہ کے ايک گاؤں الرشاد پر حملہ کردیا۔ شیعہ اکثریتی آبادی والے دیہات میں حملے میں 11 افراد جاں بحق اور متعدد زخمی ہوگئے۔
پولیس کا کہنا ہے کہ حملہ آوروں نے ممکنہ طور پر پہلے تاوان کا مطالبہ کيا اور یہ مطالبہ پورا نہ کرنے کی پاداش میں حملہ کرکے فرار ہوگئے۔ حملہ آوروں کی تلاش میں چھاپہ مار کارروائی جاری ہے۔
عراق میں 10 اکتوبر کو عام انتخابات ہوئے ہیں جن میں شیعہ تنظیم نے 73 نشستیں حاصل کرکے اکثریت حاصل کرلی ہے۔ اتحادی حکومت میں ملک کے صدر اور وزیراعظم کے عہدے کا انتخاب تنظیم کے صدر مقتدیٰ الصدر کی مشاورت سے کیا جائے گا۔
واضح رہے کہ عراق میں اتحادی افواج نے چار سال قبل داعش کو شکست دیدی تھی تاہم اب بھی نواحی علاقوں میں جنگجو برسرپیکار ہیں اور شہروں میں آکر کارروائیاں بھی کرتے ہیں۔
عالمی خبر رساں ادارے کے مطابق عراق میں جدید اسلحے سے لیس گاڑیوں میں سوار داعش جنگجوؤں نے بغداد کے علاقے بعقوبہ کے ايک گاؤں الرشاد پر حملہ کردیا۔ شیعہ اکثریتی آبادی والے دیہات میں حملے میں 11 افراد جاں بحق اور متعدد زخمی ہوگئے۔
پولیس کا کہنا ہے کہ حملہ آوروں نے ممکنہ طور پر پہلے تاوان کا مطالبہ کيا اور یہ مطالبہ پورا نہ کرنے کی پاداش میں حملہ کرکے فرار ہوگئے۔ حملہ آوروں کی تلاش میں چھاپہ مار کارروائی جاری ہے۔
عراق میں 10 اکتوبر کو عام انتخابات ہوئے ہیں جن میں شیعہ تنظیم نے 73 نشستیں حاصل کرکے اکثریت حاصل کرلی ہے۔ اتحادی حکومت میں ملک کے صدر اور وزیراعظم کے عہدے کا انتخاب تنظیم کے صدر مقتدیٰ الصدر کی مشاورت سے کیا جائے گا۔
واضح رہے کہ عراق میں اتحادی افواج نے چار سال قبل داعش کو شکست دیدی تھی تاہم اب بھی نواحی علاقوں میں جنگجو برسرپیکار ہیں اور شہروں میں آکر کارروائیاں بھی کرتے ہیں۔