حفیظ نے کیویز کیخلاف فتح ملکی سیکیورٹی فورسز کے نام کردی

کیویز نے میچ سے دو گھنٹے قبل سیکیورٹی کا جواز بناکر پاکستان سے کھیلنے کا ارادہ بدل دیا تھا اور وطن واپس لوٹ گئے تھے۔ فوٹو: فائل

---

پاکستانی بیٹسمین محمد حفیظ نے ٹوئنٹی 20 ورلڈ کپ میں نیوزی لینڈ کیخلاف ملنے والی فتح کو ملکی سیکیورٹی فورسز کے نام کردیا۔

محمد حفیظ نے کہا کہ ہماری یہ فتح پاکستان کے تمام سیکیورٹی فورسز کے نام ہے، اس کے علاوہ انھوں نے ساتھی پلیئرز کو کپ جیتنے کے لیے زیادہ محنت کرنے کا مشورہ بھی دیا۔

واضح رہے کہ کیویز نے گذشتہ ماہ میچ سے دو گھنٹے قبل سیکیورٹی کا جواز بناکر پاکستان سے کھیلنے کا ارادہ بدل دیا تھا اور وطن واپس لوٹ گئے تھے۔