انگلینڈ کی معروف سابق کرکٹر سارہ ٹیلر ابو ظہبی ٹی 10 لیگ میں مردوں کی کرکٹ ٹیم کی اسسٹنٹ کوچ بن گئی ہیں۔

وہ فرنچائز کرکٹ میں پہلی خاتون کوچ ہیں جو مردوں کی فرنچائز ٹیم کو کوچنگ کریں گی۔ وہ ابو ظہبی ٹیم کی ٹی 10 لیگ میں کوچ ہونگی۔

سارہ خواتین کرکٹ کی تاریخ کی کامیاب ترین وکٹ کیپر پلیئر رہی ہیں۔ انگلینڈ کے لئے 226 انٹر نیشنل میچز میں نمائندگی کی ہے، ویمنز ورلڈ کپ اور ویمنز ورلڈ ٹی 20 کپ جیتنے کا اعزاز رکھتی ہیں۔انگلینڈ کی کاؤنٹی سسیکس کے لئے بھی کوچنگ کر چکی ہیں۔