شاہد آفریدی کی پاکستان اور افغانستان کا میچ دیکھنے کی تصویر وائرل

کبھی کھیلتے ہوئے مزہ آتا تھا، اب انہیں کھیلتے دیکھ کر لطف اندوز ہو رہا ہوں، شاہد آفریدی

ویب ڈیسک October 29, 2021

کبھی کھیلتے ہوئے مزہ آتا تھا، اب انہیں کھیلتے دیکھ کر لطف اندوز ہو رہا ہوں، شاہد آفریدی - فوٹو:ٹوئٹر

پاکستان کرکٹ ٹیم کے بہترین سابق آل راؤنڈر شاہد آفریدی کی پاکستان اور افغانستان کے مابین میچ دیکھنے کی تصویر وائرل ہو رہی ہے۔

'بوم بوم آفریدی' کے نام سے شہرت پانے والے شاہد آفریدی نے سماجی رابطے کی ویب سائٹ ٹوئٹر پر تصویر پوسٹ کی ہے جس میں وہ اپنے اہل خانہ کے ہمراہ ٹی ٹوئنٹی ورلڈ کپ میں پاکستان اور افغانستان کے درمیان ہونے والا میچ دیکھ رہے ہیں۔

شاہد آفریدی نے تصویر پوسٹ کرتے ہوئے لکھا کہ 'کبھی کھیلتے ہوئے مزہ آتا تھا، اب انہیں (قومی ٹیم کو) کھیلتے دیکھ کر لطف اندوز ہو رہا ہوں'۔