’اور کچھ میرے لائق نام یاد رکھو آصف علی‘

آصف علی نے 7 گیندوں میں 24 رنز بنائے تھے فوٹو: پی سی بی

---

پاکستان کرکٹ بورڈ نے افغانستان کے خلاف ایک اوور میں 4 چھلے مارنے والے بیٹر آصف علی کی مختصر وڈیو جاری کی ہے۔

پاکستان کرکٹ بورڈ کے آفیشل ٹوئٹر اکاؤنٹ سے قومی ٹیم کے بلے باز آصف علی کی ایک مختصر وڈیو جاری کی گئی ہے۔ یہ وڈیو افغانستان کے خلاف ان کے دھواں دھار چھکوں اور ٹیم کی فتح کے بعد بنائی گئی۔

چند سیکنڈ کی مختصر وڈیو میں آصف علی کہتے ہیں کہ 'اور کچھ میرے لائق، نام یاد رکھو آصف علی'

Shukria Asif Ali 😍😍😍 pic.twitter.com/Q2evAqrru8

— Pakistan Cricket (@TheRealPCB) October 29, 2021

'نام یاد رکھو' گزشتہ ٹی 20 ورلڈ کپ کے فائنل کے دوران ویسٹ انڈیز کے بالے باز کارلوس بریتھ ویٹ کے لیے کہا گیا تھا جب انہوں نے تقریباً ہارا ہوا فائنل 4 گیندوں پر 4 چھکے مار کر ناصرف جیت لیا تھا اور انگلینڈ کے سارے کواب چکنا چور ہوگئے تھے۔

واضح رہے کہ گزشتہ روز پاکستان کو افغانستان کے خلاف فتح کے لیے 12 گیندوں پر 24 رنز درکار تھے۔ آصف علی نے 19 اوور میں 4 چھکے مار کر ایک اوور پہلے ہی قومی ٹیم کو فتح سے ہمکنار کرادیا تھا، اس کاکردگی پر انہیں مین آف دی میچ ایوارڈ بھی ملا۔