اسٹیڈیم میں شعیب ملک کی شاہد آفریدی کو سلیوٹ کرنے کی ویڈیو وائرل

شعیب ملک کی ویڈیو سوشل میڈیا پر وائرل ہورہی ہے

ویب ڈیسک October 30, 2021

شعیب ملک کی ویڈیو سوشل میڈیا پر وائرل ہورہی ہے فوٹوفائل

سوشل میڈیا پر شعیب ملک کی ایک ویڈیو وائرل ہورہی ہے جس میں وہ پاک افغان میچ کے بعد بوم بوم آفریدی کو سلیوٹ کررہے ہیں۔

ٹی 20 ورلڈ کپ میں گزشتہ روز پاکستان اور افغانستان کے درمیان ہونے والے مقابلے میں پاکستان کے سابق آل راؤنڈر شاہد آفریدی بھی اپنی بیٹیوں کے ہمراہ موجود تھے اور میچ انجوائے کررہے تھے۔

یہ بھی پڑھیں : شاہد آفریدی کی پاکستان اور افغانستان کا میچ دیکھنے کی تصویر وائرل

دبئی اسٹیڈیم سے قومی کرکٹر شعیب ملک کی ایک ویڈیو سوشل میڈیا پر شیئر کرائی گئی جس میں شعیب ملک پاکستان کے میچ جیتنے کے بعد انتہائی خوشی کے عالم میں اسٹیڈیم میں موجود شاہد آفریدی کو سلیوٹ کررہے ہیں۔

لوگ سوشل میڈیا پر اس ویڈیو کو بے حد پسند کررہے ہیں اور اسے لالہ کے لیے شعیب ملک کی محبت قرار دے رہے ہیں۔