ایٹم بم بنانا ہوتا تو مذاکرات نہ کرتے ایرانی صدر

عالمی طاقتوں سے مذاکرات کرنے والے یونیورسٹیوں کے تعلیم یافتہ ہیں، خطاب۔ فوٹو رائٹرز/فائل

---

ایران کے صدرڈاکٹر حسن روحانی نے کہاہے کہ ایٹم بم بناناہوتا تومذاکرات نہ کرتے۔ ایران ہمیشہ سے ایٹم بم کامخالف رہاہے۔

یورینیم کی افزودگی کے اوربھی بہت سے فوائدہیں۔ غیرملکی خبررساں ادارے کے مطابق گزشتہ روزایک خطاب میں انھوں نے کہاکہ عالمی طاقتوں کے ساتھ ایران کاجنیوا معاہدہ یونیورسٹی کامرہون منت ہے۔ انھوں نے کہا کہ جو لوگ ایٹمی معاملے میں عالمی طاقتوں سے مذاکرات اورفیصلے کررہے ہیں وہ یونیورسٹیوں کے تعلیم یافتہ ہیں۔



آزادی فکرنظریات میں اختلاف کے معنی میں ہے اوریونیورسٹیوں میں رہبرانقلاب اسلامی کی ہدایات کے مطابق آزادماحول ہوناچاہیے۔ بعدازاں میڈیاسے بات چیت کرتے ہوئے ایرانی صدرکا کہناتھا کہ جوہری بجلی گھروں سے ملک میں بجلی کابحران ختم کیاجا رہاہے۔ اس کے علاوہ ملکی سطح پرجان بچانے والی ادویہ بھی تیارکی جارہی ہیں۔