سندھ سے اغواء ہونے والی 11 سالہ بچی پنجاب سے بازیاب ملزم گرفتار

بچی کے حوالے سے سوشل میڈیا پر ویڈیو وائرل ہونے کے بعد ایکشن لیا گیا، چائلڈ پروٹیکشن۔ فوٹو:فائل

---

LONDON: سندھ سے اغواء شدہ 11 سالہ بچی کو پنجاب کے ضلع شیخوپورہ سے بازیاب کرالیا گیا۔

ایکسپریس نیوز کے مطابق چائلڈ پروٹیکشن بیورو پنجاب کی کوششوں سے سندھ سے اغواء شدہ 11 سالہ بچی کو پنجاب پولیس نے بازیاب کرالیا،جب کہ اغوا میں ملوث ملزم کو گرفتار کرکے اس کے خلاف مقدمہ بھی درج کرلیا گیا ہے۔

اسپیشل کوآرڈینیٹر وزیراعلی پنجاب اور چئیرپرسن چائلڈ پروٹیکشن بیورو سارہ احمد نے اس حوالے سے بتایا کہ 11 سالہ بچی کو سندھ سے اغواء کرکے شیخوپورہ کے علاقہ میں لایا گیا تھا، بچی کے حوالے سے سوشل میڈیا پر ویڈیو وائرل ہونے کے بعد ایکشن لیا گیا، اور مقامی پولیس کے ہمراہ بھکھی شیخوپورہ سے بچی بازیاب کراکے لاہور منتقل کردی گئی ہے، جب کہ پولیس نے ملزم کے خلاف ایف آئی آر درج کرنے کے بعد ملزم کو گرفتارکر لیا ہے۔