پاکستان اور سعودی عرب کے تعلقات وقت کی کسوٹی پر ہمیشہ پورے اترے ہیں وزیراعظم

سعودی عرب سے اسٹریٹیجک شراکت داری کے خواہاں ہیں، وزیراعظم

ویب ڈیسک October 31, 2021

سعودی عرب کے وژن 2030 کے لئے پاکستانی افرادی قوت اہم کردار ادا کرسکتی ہے، وزیر اعظم فوٹو: فائل

وزیر اعظم عمران خان کا کہنا ہے کہ وہ پاکستان اور سعودی عرب درمیان گہرے روابط کو سود مند تزویراتی(اسٹریٹیجک) شراکت داری میں تبدیل کرنے کے خواہاں ہیں۔

سعودی جریدے کو دیئے گئے ایک انٹرویو میں وزیر اعظم نے کہا کہ کہا ہے کہ پاکستان اور سعودی عرب کے درمیان دیرینہ برادرانہ تعلقات ہیں۔ دونوں ممالک کے تعلقات وقت کی کسوٹی پر ہمیشہ ثابت قدم رہے ہیں۔ وہ پاکستان اور سعودی عرب درمیان گہرے روابط کو سود مند تزویراتی (اسٹریٹیجک) شراکت داری میں تبدیل کرنے کے خواہاں ہیں۔

وزیر اعظم کا کہنا تھا کہ نیا پاکستان اور سعودی عرب کا وژن 2030 سماجی اور اقتصادی اصولوں پر مبنی ہیں، ان کا مقصد ترقی کا حصول اور تجارتی روابط کا فروغ ہے، سعودی عرب کے وژن 2030 کے لئے پاکستانی افرادی قوت اہم کردار ادا کرسکتی ہے۔