چین اور روس کے سربراہان کے علاوہ سب نے دوبدو شرکت کی تھی، فوٹو: اے ایف پی
برطانوی نشریاتی ادارے کے مطابق جی-20 اجلاس میں رکن ممالک کارپوریٹ ٹیکس معاہدے پر متفق ہو گئے ہیں جس کے تحت بڑے کاروباری اداروں کے منافع پر کم از کم 15 فیصد ٹیکس عائد کیا جائے گا۔ یہ معاہدہ 2023 تک نافذ العمل رہے گا۔
جی ٹوئنٹی اجلاس میں موسمیاتی تبدیلیوں اور کورونا وبا پر تبادلہ خیال کیا گیا۔ کورونا وبا سے نبرد آزما ہونے اور آئندہ ایسی صورت حال کو پیدا ہونے سے روکنے کے لیے ایک مشترکہ لائحہ عمل بھی ترتیب دیئے جانے کا امکان ہے۔
رواں برس ہونے والی اس جی ٹوئنٹی اجلاس کی سب سے خاص بات یہ ہے کہ کورونا وبا کے بعد یہ پہلا اجلاس ہے جس میں 18 رکن ممالک کے سربراہان نے دوبدو ملاقات کی جب کہ چین اور روس کے سربراہان روم نہ پہنچ پانے کے باعث آن لائن شریک تھے۔
اجلاس کے دوران حاشیے میں بھی رکن ممالک کے سربراہان کی مختصر ملاقاتوں کا سلسلہ جاری رہا جس کے دوران دنیا کے اہم امور پر تبادلہ خیال کیا گیا۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔