گلشن حدید میں لڑکی کو زیادتی کا نشانہ بنانے والا رشتے دار گرفتار

KARACHI:
گلشن حدید میں لڑکی سے زیادتی کا واقعہ پیش آیا ہے۔ اسٹیل ٹاؤن پولیس نے زیادتی کے الزام میں ملزم کو گرفتار کرلیا۔


ایکسپریس نیوز کے مطابق اسٹیل ٹاؤن تھانے میں مدعی فیاض نے ملزم وقار کے خلاف مقدمہ درج کرایا جس کے مطابق وہ گلشن حدید فیز ٹو کا رہائشی ہے، اس کی 18 سالہ بیٹی مقامی کمپنی میں ملازمت کرتی ہے، 20 اکتوبر کی صبح بیٹی کو آفس جاتے ہوئے اسے ہمارے رشتے دار وقار نے اپنی گاڑی میں زبردستی ڈالا اور دوسرے رشتے دار عثمان کے گھر واقع سومار گوٹھ لے گیا، 18 سالہ لڑکی کو وہاں زیادتی کا نشانہ بنا گیا۔

پولیس نے واقعے کی تفتیش کا آغاز کیا اور متاثرہ لڑکی کا طبی معائنہ کرایا ہے۔ پولیس نے گزشتہ روز کارروائی کرتے ہوئے ملزم وقار کو گرفتار کرلیا جس سے تحقیقات کی جارہی ہے۔