گورنر پنجاب نے بھارت میں مسجد پر حملے کی ویڈیو شیئرکردی

بھارت اقلیتوں کے لیے دنیا کا خطرناک ترین ملک بن چکا ہے، چوہدری محمد سرور

ویب ڈیسک November 02, 2021

بھارت اقلیتوں کے لیے دنیا کا خطرناک ترین ملک بن چکا ہے، چوہدری محمد سرور

گورنر پنجاب چوہدری محمد سرور نے ٹوئٹر پر بھارتی ریاست تری پورہ میں حملے کی ویڈیو شیئر کرتے ہوئے بتایا ہے کہ 10دنوں میں 17مساجد کو نشانہ بنایا گیا ہے۔

چوہدری محمد سرور نے کہا کہ بھارت اقلیتوں کے لیے دنیا کا خطرناک ترین ملک بن چکا ہے، نریندر مودی اور آر ایس ایس کے دہشت گرد مسلمانوں کو نشانہ بنا رہے ہیں، بھارتی مسلمانوں سے مذہبی آزادی چھیننا انسانی حقوق کا قتل عام ہے۔

یہ بھی پڑھیں: کشمیریوں پر تشدد اور محمد شامی نشانے پر؛ ہندو انتہا پسند آپے سے باہر

چوہدری محمد سرور نے کہا کہ بھارت میں مسلمانوں کی عبادت گاہیں مکمل طور پر غیر محفوظ ہوچکی ہیں، جمہوریت کے دعویدار بھارت کا شرمناک چہرہ بے نقاب ہو چکا ہے، ہم اپنے بھارتی مسلمان بہن بھائیوں کے ساتھ کھڑے ہیں، اقوام متحدہ سمیت انسانی حقوق کی تنظیموں کی خاموشی بہت بڑا سوالیہ نشان ہے۔

تری پورہ میں گزشتہ10 دنوں میں ہندوتوا غنڈوں کیجانب سے17ویں مسجد پرحملہ اس بات کاعکاس ہےکہ بھارت میں اقلیتیوں کی عبادت گاہیں کسی طورمحفوظ نہیں۔ بھارت میں اقلیتیوں کےساتھ کیاجانےوالا ناروا سلوک انسانی حقوق کی تنظیموں کی کارکردگی پر سوالیہ نشان ہے۔@UN #TripuraMuslimsUnderAttack pic.twitter.com/wNNYo5KbDC
— Mohammad Sarwar (@ChMSarwar) November 1, 2021