ووہان میں پاک چین دوستی چوک کا افتتاح

چین پاکستان فرینڈ شپ اسکوائر کے افتتاح پر ووہان میں دریائے ینگتی ژی کے کنارے پرایک شاندار افتتاحی تقریب منعقد ہوئی

---

چین کے شہر ووہان میں چین پاکستان فرینڈ شپ اسکوائر کا افتتاح کردیا گیا۔

چین پاکستان فرینڈ شپ اسکوائر کے افتتاح پر ووہان میں دریائے ینگتی ژی کے کنارے پرایک شاندار افتتاحی تقریب منعقد ہوئی۔ چین میں پاکستان کے سفیر معین الحق تقریب کے مہمان خصوصی تھے۔

تقریب میں ہوبی کے نائب گورنر ژاوٴ ہیشان، ووہان کے وائس میئر جیانگ وی اور دیگر مقامی سینئر رہنماؤں اور حکام نے بھی شرکت کی۔ وائس میئر جیانگ وی نے چین پاکستان فرینڈ شپ اسکوائر کی تعمیر کے بارے میں بریفنگ دی۔

INAUGURATION CEREMONY OF CHINA-PAKISTAN FRIENDSHIP SQUARE pic.twitter.com/bGado0Yanq

— Pakistan Embassy China (@PakinChina_) November 2, 2021

اس موقع پر سفیر معین الحق نے کہا کہ اسکوائر دونوں ممالک اور لوگوں کے درمیان قریبی تعلق، گہرے اعتماد اور احترام کی عکاسی ہے ، اس سے پاکستان اور چین کے صوبہ ہوبی کے درمیان تجارت، سرمایہ کاری کو فروغ ملے گا۔

انہوں نے مزید کہا کہ آبی وسائل کے انتظام، سائنس اور ٹیکنالوجی اور عوام کے درمیان باہمی دلچسپی کے تمام شعبوں میں عملی تعاون کو بھی مزید تقویت ملے گی۔

A grand thematic light show on the landmark buildings and Yangtze River bridge in Wuhan to celebrate 70 years of China-Pakistan diplomatic relations. 🇨🇳🤝🇵🇰
⁦@MFA_China⁩
⁦@zlj517⁩
⁦@xiaotianphoenix⁩
⁦@AmbNong⁩ pic.twitter.com/xUUD4qVDnG

— Moin ul Haque (@PakAmbChina) November 1, 2021