کراچی کے علاقے سرجانی میں نالے سے جدید اسلحے اور بارود سے بھرے بورے برآمد

کراچی:سرجانی ٹاؤن میں نالے سے برآمد ہونے والا اسلحہ میڈیا کے نمائندوں کو دکھایا جارہا ہے۔فوٹو:راحیل سلمان/ایکسپریس

---

سرجانی ٹاؤن میں نالے سے جدید اسلحے اور باردوی مواد سے بھرے بورے برآمد ہوئے جنہیں پولیس نے اپنی تحویل میں لے لیا۔

ایکسپریس نیوز کے مطابق پولیس نے خفیہ اطلاع پر سرجانی ٹاؤن کے نواحی علاقے خدا کی بستی کے ایک نالے سے جدید اسلحے اور بارودی مواد سے بھرے 2 بورے برآمد کئے ہیں جس میں خودکار رائفلیں، ٹی ٹی پستول، دستی بم، مارٹر گولے ڈیٹو نیٹر اور بڑی مقدار میں دھماکا خیز مواد بھی شامل ہے۔

پولیس نے دونوں بورے اپنی تحویل میں لینے کے بعد بارودی مواد کو ناکارہ بنانے کےلئے بم ڈسپوزل اسکواڈ کو طلب کرلیا۔ پولیس کا کہنا ہے کہ ممکن ہے شرپسند عناصر نے آپریشن کے خوف سے بارودی مواد نالے میں پھینکا ہو۔