نمیبیا سے میچ جیتنے کے بعد محمد رضوان کی نماز ادا کرنے کی ایک اور ویڈیو وائرل

قومی کرکٹر محمد رضوان کی نمیبیا سے میچ جیتنے کے بعد نماز کی ادائیگی کی ویڈیو وائرل ہورہی ہے۔

ٹی 20 ورلڈ کپ میں گزشتہ روز نمیبیا کو 45 رنز سے شکست دینے کے بعد پاکستان نے سیمی فائنل میں رسائی حاصل کرلی۔

پاکستان کی ٹی 20 ورلڈ کپ میں یہ مسلسل چوتھی فتح ہے اور اس وقت پاکستانی ٹیم ٹی 20 مقابلے میں شامل ہر ٹیم کے لیے اپنی بہترین کارکردگی کی بدولت درد سر بنی ہوئی ہے۔

جہاں پاکستانی ٹیم کی بہترین کارکردگی نے پوری قوم کو خوشی سے سرشار کیا ہوا ہے وہیں میچ کے بعد پاکستانی ٹیم کی مختلف ویڈیوز اور تصاویر بھی سوشل میڈیا پر وائرل ہورہی ہیں۔


گزشتہ روز نمیبیا کو شکست دینے اور سیمی فائنل تک رسائی حاصل کرنے کے بعد قومی کھلاڑی محمد رضوان کی نماز ادا کرنے کی ویڈیو سوشل میڈیا پر وائرل ہورہی ہے۔

واضح رہے کہ اس سے قبل پاک بھارت میچ کے دوران بھی محمد رضوان کی گراؤنڈ میں نماز ادا کرنے کی ویڈیو سوشل میڈیا پر وائرل ہوئی تھی۔