شاہد آفریدی کی بیٹیوں کے جعلی سوشل میڈیا اکاؤنٹس سے متعلق وضاحت

میری کسی بھی بیٹی کا کوئی سوشل میڈیا اکاؤنٹ نہیں ہے، شاہد آفریدی

ویب ڈیسک November 04, 2021

سوشل میڈیا پر شاہد آفریدی کی بیٹی انشا آفریدی کی نام سے کئی جعلی اکاؤنٹس موجود ہیں فوٹوفائل

پاکستان کے سابق کپتان شاہد آفریدی نے اپنی بیٹیوں کے جعلی سوشل میڈیا اکاؤنٹس سے متعلق وضاحت کی ہے۔

سوشل میڈیا پر شاہد آفریدی کی بیٹی انشا آفریدی کی نام سے کئی جعلی اکاؤنٹس موجود ہیں اور لوگوں کی بڑی تعداد نے ان اکاؤنٹس کو فالو بھی کیا ہوا ہے۔ شاہد آفریدی نے ان ہی میں سے ایک اکاؤنٹ کی نشاندہی کرتے ہوئے وضاحت کی ہے۔

سابق آل راؤنڈر نے سماجی رابطے کی ویب سائٹ ٹوئٹر پر انشاآفریدی کے نام سے موجود ایک جعلی اکاؤنٹ کا اسکرین شاٹ شیئر کرتے ہوئے لکھا ''میں واضح کرنا چاہتاہوں کہ میری کسی بھی بیٹی کا کوئی سوشل میڈیا اکاؤنٹ نہیں ہے۔ براہ کرم میری بیٹیوں سے متعلق کسی بھی ''اکاؤنٹس'' یا ''خبر'' کو نظر انداز کریں۔

https://twitter.com/SAfridiOfficial/status/1455999162160459779