شاہد آفریدی کی بیٹیوں کے جعلی سوشل میڈیا اکاؤنٹس سے متعلق وضاحت

پاکستان کے سابق کپتان شاہد آفریدی نے اپنی بیٹیوں کے جعلی سوشل میڈیا اکاؤنٹس سے متعلق وضاحت کی ہے۔

سوشل میڈیا پر شاہد آفریدی کی بیٹی انشا آفریدی کی نام سے کئی جعلی اکاؤنٹس موجود ہیں اور لوگوں کی بڑی تعداد نے ان اکاؤنٹس کو فالو بھی کیا ہوا ہے۔ شاہد آفریدی نے ان ہی میں سے ایک اکاؤنٹ کی نشاندہی کرتے ہوئے وضاحت کی ہے۔


سابق آل راؤنڈر نے سماجی رابطے کی ویب سائٹ ٹوئٹر پر انشاآفریدی کے نام سے موجود ایک جعلی اکاؤنٹ کا اسکرین شاٹ شیئر کرتے ہوئے لکھا ''میں واضح کرنا چاہتاہوں کہ میری کسی بھی بیٹی کا کوئی سوشل میڈیا اکاؤنٹ نہیں ہے۔ براہ کرم میری بیٹیوں سے متعلق کسی بھی ''اکاؤنٹس'' یا ''خبر'' کو نظر انداز کریں۔