سیکیورٹی فورسز کی کارروائی میں کالعدم بی ایل اے کا دہشت گرد گرفتار

دہشتگرد فورسز پر حملوں کے لیے بم لے جارہا تھا، سیکیورٹی ذرائع۔ فوٹو:فائل

---

خضدار میں سیکیورٹی فورسز کی کارروائی میں کالعدم بی ایل اے کا دہشت گرد گرفتار کرلیا گیا۔

خضدار میں قانون نافذ کرنے والے اداروں نے کارروائی کرتے ہوئے بلوچستان لبریشن آرمی سے تعلق رکھنے والے خطرناک دہشتگرد کو گرفتار کرلیا۔ سیکیورٹی ذرائع کے مطابق حساس ادارے نے خفیہ اطلاع پر باغبانہ میں چھاپہ مارا اور دہشتگرد کو گرفتار کرلیا۔

سیکیورٹی ذرائع نے بتایا کہ دہشتگرد کا تعلق کالعدم تنظیم بی ایل اے سے ہے، دہشتگرد فورسز پر حملوں کے لیے بم لے جارہا تھا، دہشت گرد کے قبضے سے خود کش جیکٹ ، 2 دیسی ساختہ بم، کلاشنکوف، پستول اور گولیاں بھی برآمد کی گئی ہیں۔