ملک بھر میں رجسٹرڈ ووٹرز کی تعداد 12 کروڑ سے تجاوز کرگئی

رجسٹرڈ مرد ووٹرز کا تناسب 55 فیصد اور خواتین کا 45 فیصد ہے - فوٹو:فائل

---

الیکشن کمیشن آف پاکستان نے ملک بھر کی رجسٹرڈ ووٹرز کے اعداد و شمار جاری کر دیے ہیں۔

اعداد و شمار کے مطابق ملک میں رجسٹرڈ ووٹرز کی تعداد 12 کروڑ 11 لاکھ 99 ہزار 970 ہے، پنجاب میں 6 کروڑ 90 لاکھ سے زائد ووٹرز رجسٹرڈ ہیں جبکہ سندھ میں 2 کروڑ 55 لاکھ 82 ہزار، خیبر پختونخوا میں 2 کروڑ 6 لاکھ 11 ہزار سے زائد ووٹرز کی تعداد رجسٹرڈ ہے، بلوچستان میں 50 لاکھ 47 ہزار اور اسلام آباد میں 9 لاکھ 9 ہزار سے زائد ووٹرز رجسٹرڈ ہیں۔

الیکشن کمیشن کا کہنا ہے کہ ملک میں مرد ووٹرز کی تعداد 6 کروڑ 65 لاکھ 6 ہزار 171، خواتین ووٹرز 5 کروڑ 46 لاکھ 93 ہزار 799 ہے، رجسٹرڈ مرد ووٹرز کا تناسب 55 فیصد اور خواتین کا 45 فیصد ہے۔