ہیروئن بیرون ملک اسمگل کرنیوالے 2 ملزم پورٹ قاسم سے گرفتار

اینٹی نار کوٹکس فورس کے اہلکار پورٹ قاسم پر موجود کنٹینرز سے برآمد منشیات کا جائزہ لے رہے ہیں۔ فوٹو: ایکسپریس

---

اینٹی نارکوٹکس فورس سندھ نے پورٹ قاسم پر کارروائی کرتے ہوئے بھاری مالیت کی اعلیٰ کوالٹی کی ہیروئن بیرون ملک اسمگل کرنے کی کوشش ناکام بناتے ہوئے2 ملزمان کو گرفتار کرلیا۔

تفصیلات کے مطابق اینٹی نارکوٹکس فورس سندھ نے خفیہ اطلاع پر سی پورٹ پر آپریشن کرتے ہوئے کنٹینر سے اعلیٰ کوالٹی کی بھاری مقدار میں ہیروئن برآمد کر لی، ترجمان اینٹی نارکوٹکس فورس سندھ کے مطابق برآمد کی جانے والی ہیروئن کو انتہائی مہارت سے کینوں کی پیٹیوں اور کارٹن میں چھپایا گیا تھا جسے ملائیشیا اسمگل کرنے کی کوشش کی جا رہی تھی۔



انھوں نے بتایا کہ برآمد کی جانیوالی ہیروئن کی ملکی مالیت اربوں روپے ہے انھوں نے بتایا کہ آپریشن کے دوران 2 ملزمان کو بھی گرفتار کیا گیا ہے جنہیں نامعلوم مقام پر منتقل کرکے تفتیش کی جا رہی ہے اور دوران تفتیش مزید گرفتار یاں بھی متوقع ہیں۔