آسٹریلیا نے ویسٹ انڈیز کو شکست دیدی

آسٹریلیا کی جانب سے ڈیوڈ وارنر اور مچل مارش نے نصف سنچریاں اسکور کیں - فوٹو: آئی سی سی

---

آئی سی سی ٹی ٹوئنٹی ورلڈکپ گروپ ون کے اہم میچ میں آسٹریلیا نے ویسٹ انڈیز کو شکست دے دی۔

دبئی میں کھیلے گئے ٹی ٹوئنٹی ورلڈکپ کے اہم میچ میں ویسٹ انڈیزنے پہلے بیٹنگ کرتے ہوئے مقررہ 20 اوورز میں 7 وکٹ کے نقصان پر 157 رنز بنائے جس کے جواب میں آسٹریلیا نے مطلوبہ ہدف 2 وکٹ کے نقصان پر 17ویں اوور میں پورا کرلیا۔

Mitch Marsh before 2021: No T20I fifties
Mitch Marsh in 2021: Five T20I fifties

His good season continues 🙌#T20WorldCup | Follow #AUSvWI

— ESPNcricinfo (@ESPNcricinfo) November 6, 2021

آسٹریلیا کی جانب سے ڈیوڈ وارنر اور مچل مارش نے جارحانہ انداز اپناتے ہوئے نصف سنچریاں اسکور کیں، مچل مارش 53 رنز بنانے کے بعد اپنا آخری میچ کھیلنے والے کرس گیل کا شکار بنے جب کہ کپتان ڈیوڈ وارنر 89 رنز پر ناقابل شکست رہے۔

83 fifties in T20 cricket.

David Warner, take a bow 🙌#AUSvWI 👉 https://t.co/Lm1yrAq2il | #T20WorldCup pic.twitter.com/WccZcrtTB8

— ESPNcricinfo (@ESPNcricinfo) November 6, 2021

اس سے قبل آسٹریلیا نے ویسٹ انڈیز کے خلاف ٹاس جیت کر بولنگ کا فیصلہ کیا۔ ویسٹ انڈیز کی جانب سے ممکنہ طور پر اپنا آخری انٹرنیشنل میچ کھیلنے والے کرس گیل جارحانہ موڈ میں دکھائی دیے اور انہوں نے 2 چھکے لگاکر اپنے خطرناک عزائم بھی ظاہر کیے تاہم پیٹ کمنز نے انہیں 15 رنز پر بولڈ کرکے پویلین واپس بھیج دیا۔

دوسرے اوپننگ بلے باز ایون لیوس نے 29 رنز کی اننگز کھیلی تاہم وکٹ کیپر بیٹسمین نکولس پورن صرف 4 رنز کے مہمان ثابت ہوئے اور روسٹن چیس کھاتہ کھولے بغیر ہی پویلین واپس لوٹ گئے جب کہ شیمرون ہیٹ میئر نے 27 رنز کی اننگز کھیلی۔

A champion walks off 👐

👉 https://t.co/Lm1yrAq2il #T20WorldCup | #AUSvWI pic.twitter.com/MxZTS83mn8

— ESPNcricinfo (@ESPNcricinfo) November 6, 2021

کرس گیل ہی کی طرح اپنا آخری انٹرنیشنل ٹی ٹوئنٹی کھیلنے والے ڈیوائن براو صرف 10 رنز بنانے میں کامیاب رہے۔ کپتان کیرون پولارڈ نے 44 رنز کی ذمہ دارنہ اننگز کھیلی جب کہ آندرے رسل 7 گیندوں پر 18 رنز بناکر ناٹ آؤٹ رہے۔

آسٹریلیا کی جانب سے جوش ہیزل ووڈ نے 4، پیٹ کمنز، مچل اسٹارک اور ایڈم زمپا نے ایک ایک وکٹ حاصل کی۔

 

With his fourth and final wicket, Josh Hazlewood brings Dwayne Bravo's international career with the bat to an end 👋#T20WorldCup | #AUSvWI

— ESPNcricinfo (@ESPNcricinfo) November 6, 2021