نور مقدم قتل کیس کے مرکزی ملزم ظاہر جعفر کو وارننگ جاری

مرکزی ملزم ظاہر جعفر کے رویے کے خلاف اسلام آباد کی مقامی عدالت نے اہم احکامات دے دیے۔

ایڈیشنل سیشن جج عطا ربانی نے مرکزی ملزم ظاہر جعفر کو وارننگ جاری کردی ۔ ڈسٹرکٹ اینڈ سیشن کورٹ نے نور مقدم قتل کیس میں تین نومبر کی سماعت کا تحریری حکم نامہ جاری کردیا ۔


عدالت نے تین نومبر کی پیشی کے دوران ملزم ظاہر جعفر کی جانب سے اختیار کئے گئے رویے کو درست کرنے کا حکم دے دیا ۔ تحریری حکم میں عدالت نے کہا ہے کہ اگر ملزم نے رویہ درست نا کیا توویڈیو لنک کے ذریعے ملزم کی حاضری شروع کردیں گے۔

ملزم نے تین نومبر کی سماعت کے دوران غل غپاڑہ کیا اور عدالتی کارروائی میں مداخلت کی کوشش کی،پولیس انسپکٹر نے پولیس جوڈیشل گارڈ کے ساتھ ظاہر جعفر کے رویے کی رپورٹ دی، دس نومبر کو مزید گواہوں کے بیانات ریکارڈ کرانے کے لیے نوٹس جاری کیے ہیں ۔عدالت نے کیس کی مزید سماعت دس نومبر تک ملتوی کردی۔