کرس گیل اور ڈیوائن براؤ انٹرنیشنل کرکٹ سے ریٹائرڈ

کرس گیل اور ڈیوائن براؤ نے آسٹریلیا کے خلاف اپنا آخری ٹی ٹوئنٹی کھیلا - فوٹو: ویسٹ انڈیز کرکٹ

---

LONDON: ویسٹ انڈیز کے اسٹار بلے باز کرس گیل اور آل راؤنڈر ڈیوائن براؤ نے آسٹریلیا کے خلاف اپنا آخری ٹی ٹوئنٹی میچ کھیلا۔

متحدہ عرب امارات میں کھیلے جارہے ٹی ٹوئنٹی ورلڈکپ میں اپنے آخری میچ سے قبل ڈیوائن براو نے انٹرنیشنل کرکٹ سے ریٹائرمنٹ کا اعلان کردیا تھا۔ براو نے 91 میچز میں 4 نصف سنچریوں کی مدد سے 1255 رنز بنائے اور 78 وکٹیں حاصل کیں۔

Combined international numbers of Dwayne Bravo and Chris Gayle 👇

💥 Matches ➜ 775
💥 Runs ➜ 25961
💥 50-plus scores ➜ 178
💥 Wickets ➜ 623
💥 Catches ➜ 397

Legends of the game ✨#T20WorldCup | #WestIndies pic.twitter.com/86TwLDxAxd

— ESPNcricinfo (@ESPNcricinfo) November 6, 2021

کرس گیل کی جانب سے باضابطہ طور پر ریٹائرمنٹ کا کوئی اعلان سامنے نہیں آیا البتہ متعدد ویب سائٹ نے ان کی ریٹائرمنٹ کا دعویٰ کیا ہے۔

ویسٹ انڈیز کے جارح مزاج بلے باز کرس گیل آج الگ ہی موڈ میں دکھائی دیے، وہ خلاف توقع رنگ برنگے چشمے پہن کر بیٹنگ کے لیے آئے جب کہ بیٹنگ میں بھی گیل آج جارحانہ موڈ میں دکھائی دیے اور آتے ساتھ ہی 2 چھکے لگائے تاہم پیٹ کمنز نے انہیں 15 رنز پر بولڈ کردیا۔



کرس گیل جب آسٹریلیا کے خلاف بیٹنگ کے لیے آئے تو ویسٹ انڈیز کے تمام کھلاڑیوں نے انہیں خراج تحسین پیش کیا اور آؤٹ ہونے کے بعد 'دی باس' نے بلا ہلا کر شائقین کرکٹ سے داد وصول کی۔



واضح رہے کرس گیل 79 ٹی ٹوئنٹی انٹرنیشنل میں دو سنچریوں اور 14 نصف سنچریوں کی مدد سے 1899 رنز بناچکے ہیں اور انہوں نے 20 کھلاڑیوں کو پویلین کی راہ بھی دکھائی۔