راشد خان ٹی ٹوئنٹی میں 400 وکٹیں حاصل کرنے والے چوتھے بولر بن گئے

حال ہی میں راشد خان نے تیز ترین 100 ٹی ٹوئنٹی انٹرنیشنل وکٹیں حاصل کرنے کا ریکارڈ بھی اپنے نام کیا تھا

---

افغانستان کے لیگ اسپنر راشد خان ٹی ٹوئنٹی کرکٹ میں 400 وکٹیں حاصل کرنے والے چوتھے بولر بن گئے۔

متحدہ عرب امارات میں جاری ٹی ٹوئنٹی ورلڈکپ کے اہم معرکے کے دوران افغانستان کے لیگ اسپنر راشد خان نے ایک اور سنگ میل عبور کرلیا۔

راشد خان نے نیوزی لینڈ کے اوپننگ بلے باز مارٹن گپٹل کو آؤٹ کرکے ٹی ٹوئنٹی کرکٹ میں اپنی 400 وکٹیں مکمل کیں۔
23 سالہ راشد خان نے دیگر بولرز کے مقابلے میں یہ اعزاز کم میچز میں حاصل کیا۔ افغان لیگ اسپنر نے یہ کارنامہ 289 میچز میں انجام دیا۔

Rashid Khan picks up his 400th Twenty20 wicket... and he's just 23 🤯 He will end up with ___?#NZvAFG | #T20WorldCup

👉 https://t.co/KzeV8Uhfi5 pic.twitter.com/VaGrRk6uZE

— ESPNcricinfo (@ESPNcricinfo) November 7, 2021

دوسری جانب گزشتہ روز ہی انٹرنیشنل کرکٹ سے ریٹائرڈ ہونے والے ویسٹ انڈین آل راؤنڈر ڈی جے براو نے 364 میچوں میں 400 وکٹیں حاصل کیں تھیں جب کہ ویسٹ انڈیز کے ہی سنیل نارائن نے 362 اور جنوبی افریقی لیگ اسپنر عمران طاہر نے 320 میچز میں یہ کارنامہ انجام دیا۔

اس خبر کو بھی پڑھیں؛ راشد خان ٹی ٹوئنٹی میں 100 وکٹیں لینے والے چوتھے بولر بن گئے

اس سے قبل راشد خان نے پاکستان کے خلاف محمد حفیظ کی وکٹ حاصل کرکے ٹی ٹوئنٹی انٹرنیشنل کرکٹ میں تیز ترین 100 وکٹیں حاصل کرنے کا اعزاز بھی اپنے نام کیا تھا۔

Another landmark 🚩 for @rashidkhan_19
Rashid went through the defences of Martin Guptill to complete his 400 wickets in T20 cricket. Earlier in the tournament, he became the fastest bowler to take 100 wickets in T20Is in terms of fewer number innings (53). pic.twitter.com/v0qni4AEBh

— Afghanistan Cricket Board (@ACBofficials) November 7, 2021

واضح رہے متحدہ عرب امارات میں ٹی ٹوئنٹی کرکٹ میں زیادہ وکٹیں حاصل کرنے کا اعزاز بھی افغان لیگ اسپنر راشد خان کو حاصل ہے وہ اب تک 20 میچوں میں 30 وکٹیں حاصل کرچکے ہیں