شعیب ملک نے ٹی ٹوئنٹی میں تیزترین ففٹی کا قومی ریکارڈ اپنے نام کرلیا

شعیب ملک نے اسکاٹ لینڈ کے خلاف 18 گیندوں پر 54 رنز کی اننگز کھیلی - فوٹو: آئی سی سی

---

شعیب ملک نے ٹی ٹوئنٹی انٹرنیشنل میں تیز ترین نصف سنچری بنانے کا قومی ریکارڈ اپنے نام کرلیا۔

ابوظہبی میں آئی سی سی ٹی ٹوئنٹی ورلڈکپ کے دوران اسکاٹ لینڈ کے خلاف پہلے بیٹنگ کرتے ہوئے پاکستان نے شعیب ملک کی جارحانہ اننگز کی بدولت مقررہ 20 اوورز میں 189 رنز بنائے۔

شعیب ملک نے 300 کے اسٹرائیک ریٹ سے 18 گیندوں پر 54 رنز کی اننگز کھیلی جس میں 6 چھکے اور ایک چوکا شامل تھا جب کہ شعیب ملک نے 3 چھکے اور 1 چوکا صرف آخری اوور میں لگایا۔

Fastest half-Century for Pakistan in T20 International

(18 balls) Shoaib Malik v SCO Sharjah 2021
(21 balls) Umar Akmal v AUS Edgbaston 2010
(22 balls) Umar Akmal v NZ Hamilton 2016#T20WorldCup #PAKvsSCO pic.twitter.com/WYz0vxni4O

— Cricket Tarka (@CricketTarka) November 7, 2021

شعیب ملک نے ایونٹ میں اپنی پہلی نصف سنچری مکمل کرنے کے ساتھ ساتھ ٹی ٹوئنٹی انٹریشنل میں تیز ترین نصف سنچری بنانے کا قومی ریکارڈ بھی اپنے قبضے میں لے لیا۔

Shoaib Malik hits fastest half-century (18 balls) for Pakistan in @T20WorldCup#WeHaveWeWill | #PAKvSCO | #T20WorldCup pic.twitter.com/tqyRAFRsKk

— Pakistan Cricket (@TheRealPCB) November 7, 2021

اس سے قبل عمر اکمل نے 2010 میں آسٹریلیا کے خلاف 21 گیندوں پر نصف سنچری بنائی تھی جب کہ دوسرا تیز ترین نصف سنچری کا ریکارڈ بھی عمر اکمل کے پاس ہی تھا جو انہوں نے 2016 میں نیوزی لینڈ کے خلاف 22 گیندوں پر ففٹی بناکر حاصل کیا تھا۔

Fastest 50s in the #T20WorldCup

🇮🇳 Yuvraj Singh vs Eng, 2007 - 12 balls
🇳🇱 Stephan Myburgh vs Ire, 2014 - 17 balls
🇦🇺 Glenn Maxwell vs Pak, 2014 - 18 balls
🇮🇳 KL Rahul vs Sco, 2021 - 18 balls
🇵🇰 Shoaib Malik vs Sco, 2021 - 18 balls pic.twitter.com/py55m2Tl13

— ESPNcricinfo (@ESPNcricinfo) November 7, 2021

دوسری جانب ٹی ٹوئنٹی انٹرنیشنل میں تیز ترین نصف سنچری بنانے کا ریکارڈ بھارتی آل راؤنڈر یووراج سنگھ کے پاس ہے جو انہوں نے 2007 میں انگلینڈ کے خلاف صرف 12 گیندوں پر بنائی تھی۔

ندرلینڈ کے اسٹیفن مائے برگ نے آئرلینڈ کے خلاف 2014 میں 17 گیندوں پر نصف سنچری بنائی اور آسٹریلیا کے گلین میکسوئل نے 2014 میں ہی پاکستان کے خلاف 18 اور رواں ٹی ٹوئںٹی ورلڈکپ کے دوران بھارتی بلے باز کے ایل راہل اور پاکستان کے شعیب ملک نے اسکاٹ لینڈ کے خلاف 18،18 گیندوں پر نصف سنچریاں اسکور کیں۔