پاکستان اور آسٹریلیا 11 نومبر کو دوسرے سیمی فائنل میں مدمقابل ہوں گے

پہلا سیمی فائنل نیوزی لینڈ اور انگلینڈ کے درمیان 10 نومبر کو کھیلا جائے گا - فوٹو: آئی سی سی

---

پاکستان اور آسٹریلیا ٹی ٹوئنٹی ورلڈکپ کے دوسرے سیمی فائنل میں 11 نومبر کو مدمقابل ہوں گے۔

آئی سی سی ٹی ٹوئنٹی ورلڈکپ میں پاکستان نے اسکاٹ لینڈ کو 72 رنز سے شکست دے کر ایونٹ میں پانچویں فتح سمیٹی۔ ٹورنامنٹ میں ناقابل شکست رہنے والی قومی ٹیم 11 نومبر (جمعرات) کو آسٹریلیا سے دوسرے سیمی فائنل میں مدمقابل ہوگی۔

پاکستان اور آسٹریلیا کے درمیان گزشتہ 5 ٹی ٹوئنٹی مقابلوں کی بات کی جائے تو دو میچ پاکستان اور دو میچ آسٹریلیا نے اپنے نام کیے ہیں جب کہ ایک میچ بغیر کسی نتیجے کے ختم ہوگیا تھا۔

We have our Men's #T20WorldCup 2021 semi-finalists 🔥

Australia, England, New Zealand and Pakistan! pic.twitter.com/l85eefLmKH

— ICC (@ICC) November 7, 2021

اس سے قبل نیوزی لینڈ نے افغانستان کو شکست دے کر سیمی فائنل میں رسائی حاصل کی تھی اور بھارت کو ایونٹ سے باہر کردیا تھا۔ نیوزی لینڈ 10 نومبر کو ایونٹ کے پہلے سیمی فائنل میں انگلینڈ سے مدمقابل ہوگی۔

واضح رہے آئی سی سی ٹی ٹوئنٹی ورلڈکپ کا فائنل 14 نومبر بروز اتوار کھیلا جائے گا۔