پاکستانی اداکاروں کی ورلڈ کپ سے باہر ہونے پر بھارتی ٹیم کی ٹرولنگ

اگر بھارت کو سیکیورٹی کا کوئی مسئلہ ہے تو ہم حاضر ہیں، فہد مصطفیٰ

ویب ڈیسک November 08, 2021

اگر آپ کو سیکیورٹی کا کوئی مسئلہ ہے تو ہم حاظر ہیں، فہد مصطفیٰ

فہد مصطفیٰ اور منیب بٹ نے بھارت کے ورلڈ کپ سے باہر ہونے پر سوشل میڈیا پر بھارتی ٹیم کی ٹرولنگ کردی۔

گزشتہ روز نیوزی لینڈ نے افغانستان کو شکست دیکر سیمی فائنل کے لیے کوالیفائی کرلیا تاہم بھارت ٹی ٹوئنٹی ورلڈکپ سے باہر ہوگیا ہے، اب آج بھارتی ٹیم نمیبیا سے میچ تو کھیلے گی تاہم اس میچ کا ورلڈکپ کے سیمی فائنل سے کوئی تعلق نہیں ہوگا۔

From Walkover to Gameover !@harbhajan_singh paaaji hun sukonn hai ?
— Muneeb Butt (@muneeb_butt9) November 7, 2021

گزشتہ روز بھارت کے فائنل کی دوڑ سے باہر ہونے کے بعد سوشل میڈیا پر میمز کا طوفان آگیا ہے، ہر کوئی بھارتی کرکٹ ٹیم کی ٹرولنگ کررہا ہے، کسی نے ویرات کوہلی کو نشانہ بنایا تو کسی نے ہربھجن سنگھ کو آڑے ہاتھوں لے لیے۔ ایسے میں پاکستانی شوبز اسٹارز بھی کسی سے پیچھے نہیں رہے اور انہوں نے بھی بھارتی کرکٹرز کی خوب ٹرولنگ کی۔

Security ka masla ho to hum hazir hain 🇵🇰 https://t.co/2QedmsKiiD
— Fahad Mustafa (@fahadmustafa26) November 7, 2021

مشہور اداکار فہد مصطفیٰ نے ٹوئٹر پر ویرات کوہلی کی پرانی ٹوئٹ پر کہا کہ اگر آپ کو سیکیورٹی کا کوئی مسئلہ ہے تو ہم حاضر ہیں، دوسری جانب اداکار منیب بٹ نے ہربھجن سنگھ کو ٹرولنگ کا نشانہ بناتے ہوئے کہا کہ آپ کا تو والک اوور سے گیم اوور ہوگیا، ہربھجن پاجی ہن سکون ہے۔