وزیراعظم نواز شریف سے مولانا فضل الرحمن کے گلے شکوے

اختلاف جمہوریت کا حسن ہے،ن لیگ پالیسی بنانے کی اتھارٹی رکھتی ہے،ترجمان جے یو آئی۔ فوٹو: فائل

---

وزیر اعظم نوازشریف سے آزاد کشمیر کے دورے کے دوران چیئرمین کشمیر کمیٹی مولانافضل الرحمن نے کھل کر گلے شکوے کیے۔

باوثوق ذرائع نے آن لائن نے بتایاکہ یوم یکجہتی کشمیر کے موقع پر وزیراعظم نوازشریف اور پارلیمنٹ کی خصوصی کمیٹی برائے کشمیر کے چیئرمین مولانافضل الرحمن ایک ہی ہیلی کاپٹر میں دورے پر گئے۔



دوران سفر مولانافضل الرحمن نے سعودی عرب کے دورے سے واپسی پر ملاقات کیلیے وقت نہ دینے، مذاکراتی ٹیم کے حوالے سے اعتماد میں نہ لینے، 2وزرا کے حلف اٹھانے کے باوجود محکمے نہ دینے پر وزیراعظم نوازشریف سے گلے شکوے کیے جنھیں وزیراعظم نے تحمل سے سنااور جب مولانافضل الرحمن اپنی بات مکمل کرچکے تو وزیراعظم نوازشریف نے انھیں پانی پیش کرکے ٹھنڈا کیا اور کہاکہ جے یو آئی (ف) اہم اتحادی جماعت ہے تمام گلے شکوے دور کریںگے جس پر مولانافضل الرحمن مسکرا دیے۔