لاہوری ونڈر بوائے کم عمر کوہ پیما شہروز کاشف نے ایک اور اعزاز حاصل کرلیا ہے۔ شہروز کاشف کو 2 گینز ورلڈ ریکارڈ کے سرٹیفکیٹ مل گئے۔

20 سالہ شہروز کاشف نے دو بلند ترین چوٹیاں ماونٹ ایورسٹ اور کے ٹو سر کرنے پر گینیز ورلڈ ریکارڈز میں اپنا نام درج کروایا۔ شہروز کاشف بلند ترین چوٹی ماونٹ ایورسٹ سر کرنے والے کم عمر ترین کوہ پیما ہیں۔ وہ دوسری بلند ترین چوٹی کے ٹو سر کرنے والے بھی کم عمر ترین کوہ پیما بن چکے ہیں۔

شہروز کاشف نے 19 برس 138 دن کی عمر میں یہ کارنامہ انجام دیے کر تاریخ رقم کی۔